ບົດຖະແຫຼງຂ່າວຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດCOVID-19 ປະຈຳວັນເສົາ, ວັນທີ 8ພຶດສະພາ ປີ 2021

ປະຈຳວັນເສົາ, ວັນທີ 8ພຶດສະພາ ປີ 2021 ທ່ານໝໍ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກ, ພ້ອມດ້ວຍ ທ່ານ ພຸດທະໄຊ ສີວິໄລ ຮອງຜູ້ວ່າການທະນາຄານແຫ່ງ ສປປ ລາວ, ຕາງໜ້າກອງເລຂາ ຄະນະສະ ເພາະ ກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຂໍອະນຸຍາດລາຍງານສະພາບການການລະບາດຂອງພະຍາດ COVID-19 ປະຈຳ ວັນທີ 08 ພຶດສະພາ ປີ 2021 ດັ່ງນີ້

ສະພາບຕົວເລກການລາຍງານ ພະຍາດ COVID-19 ຢູ່ ທົ່ວໂລກ ແລະ ສປປ ລາວ

ສະພາບການລະບາດຂອງພະຍາດ COVID-19 ຢູ່ ໃນໂລກ, ຮອດປະຈຸບັນ ທົ່ວໂລກມີການລາຍງານການຕົວເລກຜູ້ຕິດເຊື້ອສະສົມທັງໝົດ 157,504,411 ຄົນ, ເສຍຊິວິດສະສົມ 3,282,427 ຄົນ ແລະ ປີ່ນປົວຫາຍດີ 135,616,076 ຄົນ. ປະເທດທີ່ຍັງມີຜູ້ຕິດເຊື້ອ ແລະ ເສຍຊິວິດຫຼາຍກວ່າໝູ່ໃນໂລກ ກໍ່ຍັງ ແມ່ນ ສະຫະລັດອາເມລິກາ, ອິນເດຍ, ບຣາຊິວ ແລະ ຝຣັ່ງ ຕາມລໍາດັບ;

ສຳລັບ ສປປ ລາວ ມາຮອດປະຈຸບັນ ມີ

ລາຍງານຜູ້ຕິດເຊື້ອທັງໝົດ 1,233 ຄົນ (ໃໝ່ 28)
ບໍ່ມີຜູ້ເສຍຊີວີດ,
ໃນຈຳນວນຜູ້ຕິດເຊື້ອທັງໝົດ ແມ່ນໄດ້ຮັບການ ປິ່ນປົວຫາຍດີທັງໝົດ 150 ຄົນ (28)

( ມື້ວານນິ້ ວັນທີ່ 7 ພຶດສະພາ 2021 ຄົນເຈັບອອກໂຮງໝໍ 28 ຄົນມີ: ນະຄອນຫຼວງວຽງຈັນ 16 ຄົນ, ແຂວງວຽງຈັນ 3 ຄົນ, , ຄຳມ່ວນ 1, ຈຳປາສັກ 3 ຄົນ ແລະ ສາລະວັນ 5 ຄົນ ,

ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ໃນຕ່ລະແຂວງ ຈຳນວນ 1,083 ຄົນ :
ລາຍລະອຽດຂອງຜູ້ຕິດເຊື້ອໃໝ່ 28 ຄົນ (ກໍລະນີຢັ້ງຢືນທີ 1,206 – 1,233)
ສຳລັບຄົນເຈັບຕິດເຊື້ອໃໝ່ໃນ 28 ຄົນ ຢູ່ ນະຄອນຫຼວງວຽງຈັນ ແຂວງຈຳປາສັກ, ບໍ່ແກ້ວ, ສະຫວັນນະເຂດ, ອຸດົມໄຊ ແລະ ແຂວງວຽງຈັນ ມີ 23 ຄົນ ແມ່ນ ຕິດເຊືອໃນຊຸມຊົນທີ່ພົວພັນກັບຜູ້ຕິດເຊື້ອເກົ່າຜ່ານມາ ແລະ 05 ຄົນ ແມ່ນກໍລະນີ ນຳເຂົ້າຈາກຕ່າງປະເທດ (ແຂວງ ຈຳປາສັກ 3 ຄົນ ແລະ ສະຫວັນນະເຂດ 2 ຄົນ).
ພາຍຫຼັງ ພວກເຮົາກວດພົບຜູ້ຕິດເຊື້ອໃໝ່, ພວກເຮົາໄດ້ລົງສອບສວນ, ສອບຖາມປະຫວັດ, ຕິດຕາມຜູ້ສຳຜັດໃກ້ຊິດ ແລະ ປະຫວັດການເຄື່ອນໄຫວຂອງພວກກ່ຽວ, ພາຍຫຼັງໄດ້ຂໍ້ມູນລະອຽດ ຈະແຈ້ງທາມລາຍໃຫ້ບັນດາທ່ານຮັບຊາບຕື່ມ.

ລ/ດ	ຊື່ແຂວງ	ກໍລະນີສະສົມທັງໝົດນັບແຕ່ປີ 2020 ຮອດປັດຈຸບັນ	ຄົນເຈັບຕິດເຊື້ອໃໝ່ວັນທີ່ 7/5/2021	ຄົນເຈັບອອກໂຮງໝໍທັງໝົດ7/5/2021	ໝາຍເຫດ
1	ນະຄອນຫຼວງວຽງຈັນ	703	8	117
2	ຈຳປາສັກ	179	3	6	ຄົນເຈັບແຂວງເຊກອງປີ່ນປົວຢູ່ແຂວງຈຳປາສັກ 01 ຄົນແຕ່ໄລ່ເປັນຄົນເຈັບແຂວງເຊກອງ
3	ຫຼວງພະບາງ	21		5
4	ສະຫັວນນະເຂດ	44	3	2
5	ບໍ່ແກ້ວ	223	12	0
6	ສາລະວັນ	12		6
7	ຫຼວງນ້ຳທາ	6		6
8	ວຽງຈັນ	19	1	4
9	ຜົ້ງສາລີ	5		0	ຄົນເຈັບແຂວງຜົ້ງສາລີ 1 ຄົນນອນປີ່ນປົວຢູ່ແຂວງອຸດົມໄຊ
10	ອຸດົມໄຊ	11	1	0
11	ໄຊຍະບູລີ	3		0
12	ໄຊສົມບູນ	1		1
13	ເຊກອງ	1		0
14	ບໍລິຄຳໄຊ	3		1
15	ຄຳມ່ວນ	1		1
16	ຫົວພັນ	0		0
17	ຊຽງຂວາງ	1		0
18	ອັດຕະປື	0		0
ລວມ		1,233	28	150

ວຽກງານວີເຄາະ ກວດຊອກຫາເຊື້ອພະຍາດ ໂຄວີດ 19

ໃນວັນທີ 07 ພຶດສະພາ 2021 ໄດ້ເກັບຕົວຢ່າງມາກວດວິເຄາະ ທັງໝົດ 1,588, ຜົນກວດວິເຄາະ ແມ່ນພົບຜູ້ຕິດເຊື້ອໃໝ່ 28 ຄົນ, ລາຍລະອຽດຄື: ນະຄອນຫຼວງວຽງຈັນ 8, ສະຫວັນນະເຂດ 3, ຈຳປາສັກ 3, ບໍ່ແກ້ວ 12, ອຸດົມໄຊ 1 ແລະ ວຽງຈັນ1.

ການຕິດຕາມ ຜູ້ເດີນທາງເຂົ້າມາ ສປປ ລາວ

ວັນທີ 7 ພຶດສະພາ 2021 ທົ່ວປະເທດມີຜູ້ເດີນທາງເຂົ້າມາ ທັງໝົດ 2,333 ຄົນ:

ຈຸດຜ່ານດ່ານ ລາວ – ໄທ ທັງໝົດ 1,519 ຄົນ;
ຈຸດຜ່ານດ່ານ ລາວ-ຈີນ ທັງໝົດ 63 ຄົນ;
ຈຸດຜ່ານດ່ານ ລາວ-ຫວຽດນາມ ທັງໝົດ 751 ຄົນ;
ຈຸດຜ່ານດ່ານສະໜາມບິນສາກົນວັດໄຕ ທັງໝົດ 0 ຄົນ;
ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນ
- ໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້
- ໄດ້ເກັບຕົວຢ່າງທຸກໆຄົນມາກວດຫາເຊື້ອ COVID-19;
- ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ

ວຽກງານການຈຳກັດບໍລິເວນ ຢູ່ສູນຈຳກັດບໍລິເວນ

ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 50 ສູນ, ມີຜູ້ຈຳກັດບໍລິເວນທັງໝົດ 3,129 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.

III. ຂໍ້ແນະນຳ

ບັນດາທ່ານທີ່ນັບຖື ແລະ ຮັກແພງທັງຫຼາຍ,

ຕໍ່ກັບສະພາບ ການລະບາດຂອງພະຍາດໃນປະເທດເຮົາ ເລີ້ມແຕກາງເດືອນ ເມສາ 2021 ຄະນະສະເພາະກິດຂັ້ນສູນກາງ ແລະ ທ້ອງຖິ່ນກໍໄດ້ມີການວາງ ມາດຕະການ ສະກັດກັ້ນ ແລະ ຄວບຄຸມການລະບາດຂອງພະຍາດຢ່າງເຂັ້ມງວດ ຄືການປະຕີບັດມາດຕະການ 15/ນຍ ຮອດວັນທີ 20/ພຶດສະພາ/ 2021 ໂດຍການປະຕິບັດ
- ປິດການເຂົ້າອອກ ເພື່ອສະກັດການແຜ່ເຊື້ອພະຍາດ ອອກເປັນວົງກ້ວາງ
- ເພີ້ມຈຸດ ເກັບຕົວຢ່າງ ກວດຊອກເຊື້ອໂຄວິດ 19 ເພື່ອຄົ້ນຫາຜູ້ສຳພັດ ແລະ ກຸ່ມສ່ຽງໃຫ້ໄດ້ຫຼາຍຂຶ້ນ ສຳລັບນະຄອນຫຼວງວຽຈັນແມ່ນມີ ໂຮງໝໍເສດຖາທີລາດ ແລະ ໂຮງໝໍມີດຕະພາບ ມສ ສີໂຄດ ມສ ລາວຫວຽດ ສະໜາມ ກິລາເຈົ້າອານຸວົງ
- ປະຕິບັດມາດຕະການ ປ້ອງກັນ ການຕິດເຊື້ອໃນສັງຄົມສົມທົບ ເລັ່ງການໃຫ້ຢາວັກຊີນປ້ອງກັນພະຍາດໂຄວິດ 19 ໂດຍຍການເພີ້ມຈຸດບໍລິການໃຫ້ຢາວັກຊີນແກ່ກຸ່ມເປົ້າໝາຍໃນທົ່ວປະເທດສຳລັບນະຄອນຫຼວງ ນອກຈາກໂຮງໝໍເມືອງແລ້ວ ຈະມີຈຸດ ບໍລິການຄື : ມວສ ດົງໂພສີສູນການຄ້າ ວຽງຈັນເຊັນເຕີ ສູນກາງຄ້າຊັງຈຽງ ແລະ ຢູສູນການຄ້າໄອເຕັກ ແລະກຳລັງປະ ຕິບັດການເຄື່ອນທີ່ໄປສັກຢູ່ແຕ່ລະກະຊວງໃຫ້ສຳເລັດໂດຍໄວ
ໃນສະພາບປະຈຸບັນ ທຸກຄົນ ໃນສັງຄົມ ຕ້ອງ ເອົາໃຈໃສ່ ພ້ອມທັງ ເປັນເຈົ້າການນຳກັນ ຖ້າຫາກວ່າ ຕົວທ່ານເອງ ຄົນໃກ້ຊິດ ລູກຫລານ ຫາກເປັນ ຜູ້ທີ່ໄດ້ສຳຜັດກັບກໍລະນີຕິດເຊື້ອ ຫຼື ໄດ້ໄປໃນສະສະຖານທີ່ສ່ຽງແມ່ນ ຕ້ອງໄດ້ແຍກໂຕເອງອອກຈາກ ຄອບຄົວ ຄົນໃກ້ຊິດ ພ້ອມທັງໃຫ້ໄປກວດຫາເຊື້ອພະຍາດ COVID-19 ໂດຍໄວ ຕາມຈຸດບໍລິການເກັບຕົວຢ່າງ ທີ່ທາງຄະນະສະເພາະກິດກຳນົດໄວ້ ແລະ ພາຍຫຼັງກວດແລ້ວໃຫ້ກັບທີ່ພັກຂອງຕົນເອງທັນທີ ແລະ ສືບຕໍ່ ປະຕິບັດຮັກສາໄລຍະຫ່າງກັບ ບຸກຄົນ ອື່ນ ເປັນເວລາ 14 ວັນ ຕາມມາດຕະການຂອງຄະນະສະເພາະກີດວາງອອກ
- ຖ້າການກວດໃຫ້ຜົນບວກ ແພດຈະແຈ້ງ ແລະມາຮັບໄປປິ່ນປົວ
- ຖ້າຜົນລົບ ແມ່ນທ່ານຈະບໍ່ໄດ້ຮັບການໂທແຈ້ງ ແຕ່ທ່ານຍັງຕ້ອງສືບຕໍ່ ຈຳກັດບໍລິເວນຕົນເອງໃຫ້ຄົບ 14 ວັນ
ອີກຈຸດນື່ງທີ່ຢາກໃຫ້ຂໍການຮ່ວມມື ຈາກບັນດາທ່ານກໍຄືໃນເວລາໄປກວດຕົວຢ່າງ ຂໍໃຫ້ໃຫ້ທ່ານແຈ້ງລາຍລະອຽດຂອງຕົນເອງຈະແຈ້ງ ຊື່ນາມສະກຸນ ອາຍຸ ບ້ານຢູ່ ແລະ ເບີໂທລະສັບຕິດຕໍ່ ໃຫ້ແກ່ທີມງານແພດເກັບຕົວຢ່າງ ເພື່ອສະດວກໃນການຕີດຕໍ່ພົວພັນ ກັບຄືນຫາທ່ານ ໃນເວລາໄດ້ຜົນກວດ
ແລະໃນຄຳສັ່ງເລກທີ 15/ນຍ ນັ້ນແມ່ນມີ 18 ຂໍ້ເຊິ່ງ ພົວພັນກັບຫຼາຍຂະແໜງການ ດັ່ງນັ້ນ ໃນການລາຍງານຂ່າວປະຈຳວັນແຕ່ລະມື້ ນອກຈາກລາຍງານວຽກງານ ດ້ານສາທາ ລະນະສຸກ ແລ້ວ ໃນບາງມື້ ກໍຈະມີພາກສ່ວນທີ່ກ່ຽວຂ້ອງ ມາຮ່ວມ ເພື່ອລາຍງານກ່ຽວກັບການປະຕິບັດຄຳສັ່ງ 15/ນຍ ຂອງແຕ່ລະພາກສ່ວນ ເພື່ອໃຫ້ພໍ່ແມ່ປະຊາຊົນໄດ້ຮັບຮູ້ ແລະເຂົ້າໃຈເຖິງການປະຕິບັດວຽກງານ ຄວບຄຸມພະຍາດ ໂຄວີດ 19 ຂອງ ແຕ່ລະພາກສ່ວນ ເຊິ່ງໃນມື້ນີ້ແມ່ນ ທ່ານ ພຸດທະໄຊ ສີວິໄລ ຮອງຜູ້ວ່າການທະນາຄານແຫ່ງ ສປປ ລາວ ຈະມາລາຍງານກ່ຽວກັບ ວຽກງານນະໂຍບາຍດ້ານເງິນຕາ ເພື່ອຫຼຸດຜ່ອນຜົນກະທົບ ຈາກ ການລະບາດຂອງພະຍາດ COVID-ຕໍ່ບັນດາທ່ານ ຂໍເຊີນ

ທ້າສຸດນີ້ ຂໍແຈ້ງໃຫ້ທ່ານຊາບວ່າ ທ່ານສາມາດຮັບຂໍ້ມູນຂ່າວສານທີ່ຖືກຕ້ອງ ແລະ ເປັນທາງການຂໍໃຫ້ທ່ານຕິດຕາມຂໍ້ມູນຂ່າວສານ ໄດ້ ທີ່:

ວິທະຍຸ ໂທລະພາບ ໜັງສືພິມ ແລະສື່ຕ່າງໆ ຂອງລັດຖະບານ
ຈາກເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 gov.la ແລະ
ເວັບໄຊ້ຂອງກົມຄວບຄຸມພະຍາດຕິດຕໍ່,ກະຊວງສາທາລະນະສຸກhttps://www.gov.la
ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະນະສຸກ

ແລະ ສາມາດໂທສອບຖາມ ສາຍດ່ວນ 166 ຫຼື 165 ສຳລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 166 ຫຼື 165)